Election 2010
Ang daming kumakandidato bilang pangulo ng ating bansa. Pero iilan lang talaga ang may maituturing na tunay at may kakayahang maglingkod sa bayan.
Isipin mo marami ang may hangad sa pwestong ito, ngunit kung titingnan mo kakapiranggot lang ang sahod ng isang pangulo ng Pilipinas. Pero ang pinakamakapangyarihang pwesto na ito ang pwede rin ika-yaman ng isang taong korup at bulok na maluloklok sa pwesto.
Ang mga tatakbo sa pwesto ay mga pamilyar na mukha sa balita sa tebisyon. May tumatakbo pero naka-takbo na, at dahil sa butas na nasilip mula sa ating Konstitusyon ay naipilit rin. Kahit pa alam ng karamihan ay isa rin sa mga nanloko sa bayan. Meron din namang ang pangako ay maka-Dios na pagpapatakbo ng gobyerno, magiging malinis ang gobyerno. Eh matanong ko lang naman kung talagang gusto mo mabago ang buhay ng tao, bakit hindi na lang pagtuonan ng pansin ang pagtuturo ng salita at gawa ng Dios. Bakit kailangan pa maging presidente upang mapagbago ang bansa. At sinsabi ng batas na hiwalay ang Relihiyon at Gobyerno sa pagpapatakbo ng pamahalaan walang dapat bumali ng nilalaman nito, tama?
At meron namang tatakbo dahil sa malinis na pangalan ng isang tanyag na lugar. Hindi mo maikakaila ang bagay na ito, naging maunlad ang lugar ngunit sa aking pananaw may mga bagay na ukol para lang sa isang lugar at may bagay na pangakalahatan. Na kung titingnan eh hindi tugma para sa lahat. At kakaiba naman ang isang kandidato, naiiba dahil sa laki ng gastos para lang maitanghal na pangulo sa eleksyon. Kung anu-anu na nasabi sa telebisyon, at panay pa ang pag-deny ng anomalya nangyari sa bakuran nya pa mismo. Sinimulan sa pagpapakita na nagmula siya sa kahirapan, wala namang nag-deny. Hanggang sa may pagla-OA na ang mga sinsabi at kung anung klaseng hirap ang kanyang pinag-daanan. Gaya ng iba, nagamit nya ang kanyang posisyon nuon mababa pa lang siya para maitanghal sa kung anu man sya ngayon. At maraming nangyaring pagbabago simula nuon, at kung pag-uugnayin ang lahat ng ito ay mabubunyag ang kanyang, marahil eh “Lihim na balak.” At ito ay ang ngayon kung saan ay unti-unting umusbong at matapos ay yumabong. At Sana dalangin ko na hindi makalinutan ng tao ang isang malaking isyu sa kanya, kasi isipin mo na lang komisyon nya kung mailuklok syang pangulo sa mga kabahayang maipapagawa nya. At maging isang komunidad na ang buong bansa ng subdivision na gawa ng kumpanya niya. Hindi ba iba ang kumikita bilang businessman at may pwesto.
Ang isang naman, naging popular kasi kilala ang mga magulang. Oo nga ang kanyang magulang ngunit hindi naman sya. Ewan ko kung bakit bigla na lang siya nagsalita at nag-prisinta ng sarili upanmg lumahok sa kandidatura. At marahil sa dami ng nag-uudyok sa kanya, na-pressure na rin. Hindi ko gusto makita ang bansa na pinapatakbo dahil sa utos sa kanya ng mga kamag-anak. Impluwensya na naman ang iiral sa buong bansa. Lalo na kung titingnan mo eh ang kanilang pamilya ang nagpapatakbo ng isa sa pinaka-malaking korporasyon sa Asya!….sana wag na mangyari ang nangyari noon na puro sulsol ng mga nasa paligid ang nasusunod.
Ay ang huli ay hindi naman naiiba sa sinundan nya. Magka-dugo pa nga sila. Pero kahit na ganun, marami silang pinagkaiba. Una marami kang nakita na ginawa nitong huli sa lahat ng aspeto ng pamumuno. Nakita nya ng personal ang mga nangyayari sa kababayan niya, samantalang yung isa nakaupo at hindi ko alam kung anu naipanukala niyang bayas bilang Mambabatas, ewan ko lang ha. Itong taong ito ay may mga katangian na kayang isulong ang ating banasa. Pananaw at mga ideyalohiya na ambisyoso sa paningin ng mga businessman. Ngunit kelan lang ba sila nagiging panalig ng gobyerno kundi sa tuwing may kailangan sila sa pamahalaan, anu say nyo diba tama? Kaya wala rin silang karapatan na akuin ang boto ng karamihan, dahil sa pinoprotekhang interes. At sa paniwala ko siya na ang dapat mag-papatuloy ng mga nasimulan na. Upang makamit na nating lahat ang ginhawa ng noon pang nakahanda para sa ating lahat.
Sa huli, ang Kabataan pa rin ang susi sa pag-unlad ng bansa. Ang siyang dapat mag-dikta kung sino ang magiging sunod na mamumuno ng ating bansa.
